أنا أعتذر لك سيدي طيب الفال
وأقول من مثلك حياتي فهمها
أنت العزيز وللصعيبات حلال
لك كلمة واجب علي احترمها
الطيب لك منهج وبين بالأفعال
درب الوفا طيبه وفزت بكرمها
همست بالحكمه ولانتبع أقوال
دوما الى العليا بعالي قممها
أبعتذر ياابوي ياعز وظلال
وهاذي رنيم الوجد تعلن ندمها
عن الزلل والقول في بعض الإشكال
والراية البيضاء أعلي علمها
علمتني أبني من آمالي آمال
والمعرفة والطيب أنت بهرمها
ياابوي ادمح زلتي وكل مامال
من طبع بنتٍ تستحي من شيمها
ابعتذر لك سيدي ضاقت الحال
عما بدر والقوس مخطي سهمها
ابعتذر لك ياذرانا بالأهوال
ياغيث غيمه وانتشي من ديمها
انا ارتسم من طيبتك رسم لازال
في لوحة ٍعظمى وفكرك رسمها
ياابوي ياللي للرجاجيل مدهال
قلت اعتذر والنفس زايد نسمها
جتك القوافي تنهمر مثل شلال
والشعر ترجم حالتي ماكتمها